ياللي له علم بالصقور

[الدحمي]

السلام عليكم



اخواني ابيكم تجاوبوني على هاذي الاسئله



1- لو شفت صقر يطير داخل مدينه مثل الدوادمي كيف اطرحه وفي البر وانا ما عندي قمريه


2-واذا الطير ما مسكته وين يروح {{{{{{{{ سؤال يمكن شوي فيه دلاخه :d

[ابو سحر]

حاول انك تشوف اتجاه الطير وتخلي خويك يراقب الطير وانت تمشي ع التجاه
واذا مامعك حمامه وانت في البر تنزل خويك وحاول تنزله بعيد عن الطير وتخليه يراقب الطير وانت تروح لاقرب عرب واذا الطير مامسكته هذا مو من نصيبق الله كاتبه لغيرك .....
وين يروح هل تقصد وين يروح اذا ضيعته علشان تدوره مره اخرا وضح اكثر علشان نجاوبك

[الراقي]

ماقصر ابو سحر

يفيدونك الصقاره

تقبل مروري

[الدحمي]

ايه اذا ضيعه خوي والحمامه كيف افكها ولا اربطها بخيط

[الدحمي]

وهل يرجع في مكانه اللي لقينها فيه ولا لا

[ابو سحر]

الله يخليك لوالديك شكلك ماعمرك قنصت وبعدين اذا ضيعه خويك اسئله اي اتجاه راح فيه الطير ورح دوره في الاماكن المرتفعه وبعدين لو ربط الحمامه بخيط ماراح تستفيد شي لان اذا مسكها وجيته يبي ينحاش
يدحمي رح لمحل الصقور واشتري شبكة حقت حمامه واسئل راعي المحل وراح يعلمك كيف تحطه

[راعي ليل]

نرجوا التوضيح اكثر..ومختصر..

[الدحمي]

انا فاهم الشبكه



وتقول ما قد قنصت ليه شايفني ولد هه حتى الولد قد قنص

[آبن مخيمــــر]

اخي العزيز/


ان لم يكن معك حمام ::

تقوم أولا بتسبير الطير والمتابعه الدقيقه له من بعيد ( ان لم يكن معك حمام او زريق ) وتكون خلفه بالدربيل الى ام يمسيه الليل ويثبت في مكان


وثم تأتي في الصباح الباكر بالشبكه والحمام وتحذفها له بثقاله وتبتعد عنها وتراقبه بالدربيل حتى يحول عليها ويعلق بالشبكه



وان كان معك حمام::

تلحق الطير ومن ثم تتعداه وتحذف له الحمام وفي ظهرها الشبكه عاليآ وتتقدم حتى ترى اان الطير يقوم بطردها ولاحقها وانت تبتعد عنه حتى يعلق بها وتأتي لمسكه,.




واي استفسار اخر نحن حاضرين

[الدحمي]

مشكور اخوي ابن مخيمر ما قصرت

[عاشق بلا معشوق]

اذا شفت طير علمنا وحنا ما نقصر وعلمك طريقه ما يروح الطير حتى لو حولك أحد يذيره

[ريف النشاما]

اخوي ابن مخيمير افادك

[ابو جراح]

مايقصرون الصقارين

[هو1جيس]

تـم الافآده اخـوي الدحمـي


تحيآتـي لـك..،