راعي الجرودي
10-18-2010, 10:35 AM
السلام عليكم ورحمة الله وبركاته
نقلة الطير وماذا يعمل الصقار في وقت النقلة وماهو الوقت المناسب
لنقلة الطير من المربط وهكذا....
اليك الموضوع:
أذا جاء البراد وجاء وقت نقلة الطير فأن الصقار يذهب الى غرفة المقيض ويناظر طيره كل ساعه ويقول:
اشيله اليوم ولا اخليه يوم بعد علشان موسه يصك ولا يقرب من النص , فأذا صمل على شلته يدخل على
الطير في وقت مايكون الطير معه علف يعنى ماهو متعشي أو متغدي ويلبس الدس ويجهز السكين الحاد
ويقرب من الطير اشوي اشوي لأن الطير تعرفون مربوط حوالي ستة اشهور يعنى يكون وحش اشوي ويقرب
منه حتى يمسك بالمربط ومن ثم يحاول يرفع الطير وفي هذه الاثـناء يمرر بالسكين على جرير الطير ويقطعه
علشان ان الطير ماهوب ثابت على الدس بل سوف يكفخ على الارض وهذا خطر على ريشة.
المهم اذا رفع الطير وركب الطير على الدس بعد قطع الجرير يخلي الطير يركد على يده ومن ثم يحاول يبخ
الطير بشوي ماء اذا كان الطير محتر, ومن ثم يحاول ان يلبسه البرقع وبعض الطيور في تلك اللحظه يصعب
وضع البرقع في رأسه بسبب الربطه , فأذا برقعه يروح به الى المجلس بعـد ان شغل مكيفات المجلس قبل
يجيبه بساعه لكي يبرد المجلس ومن ثم يحطه على وكر مجلس او جصه الاسمنتيه , وثم يجيب السبوق
ويعدل فيه ويحرق راس السبوق بالولاعة علشان الخيوط اللي في السبق تلتم وتضبط.
ومن ثم يقطع واحد من السبوق اللي في رجل الطير ويركب السبق الجديد وثم يربطه في جريره الجديد ,
ومن ثم يقطع السبق الاخر ويركب فيه السبق الجديد ويقوم الصقار بعد مايضبط اسبوق الطير ويجهزه يقوم
ويجيب كيسة البراقع ويقاوس على رأس الطير من ناحية قحف البرقع يلحق في عين الطير ولا لا , ايضا
ينظر الى مكان منقار الطير هل هو وسيع على شان الروباج وهكذا .
فأذا جهزه خلاه بالبرقع فتره ومن ثم اخرج البرقع وتأكد تأكد تام من البرقع هل هو يلحق في العين ولا لا.
وأخذ الجرير وربطه في الدس واخذ برقعه وخلاه على يده وقام وكلم رفيق له وقال /: سير علي انا نقلت
الطير , سيروا عليه ربعه وبعضهم ناقلة طيره وبعض هيضوه ورجع وشل الطير واخذو يسولفون في اعلوم
المقانيص .........
وثم بعدها بيومين يجيب الشناذره ويزينها ويعدلها ومن ثم يشنذر الطير علشان يحذف الشبيكا على على
قانصته , وبعدها بفتره يجيب الثندوه ويعشيه وبعد يومين او حولها يدعيه بالسبب حتى يجهز ويكون
مستعد لبرقى الريش...
في النهاية سامحوني على القصور"
اخوكم :راعي الجرودي
نقلة الطير وماذا يعمل الصقار في وقت النقلة وماهو الوقت المناسب
لنقلة الطير من المربط وهكذا....
اليك الموضوع:
أذا جاء البراد وجاء وقت نقلة الطير فأن الصقار يذهب الى غرفة المقيض ويناظر طيره كل ساعه ويقول:
اشيله اليوم ولا اخليه يوم بعد علشان موسه يصك ولا يقرب من النص , فأذا صمل على شلته يدخل على
الطير في وقت مايكون الطير معه علف يعنى ماهو متعشي أو متغدي ويلبس الدس ويجهز السكين الحاد
ويقرب من الطير اشوي اشوي لأن الطير تعرفون مربوط حوالي ستة اشهور يعنى يكون وحش اشوي ويقرب
منه حتى يمسك بالمربط ومن ثم يحاول يرفع الطير وفي هذه الاثـناء يمرر بالسكين على جرير الطير ويقطعه
علشان ان الطير ماهوب ثابت على الدس بل سوف يكفخ على الارض وهذا خطر على ريشة.
المهم اذا رفع الطير وركب الطير على الدس بعد قطع الجرير يخلي الطير يركد على يده ومن ثم يحاول يبخ
الطير بشوي ماء اذا كان الطير محتر, ومن ثم يحاول ان يلبسه البرقع وبعض الطيور في تلك اللحظه يصعب
وضع البرقع في رأسه بسبب الربطه , فأذا برقعه يروح به الى المجلس بعـد ان شغل مكيفات المجلس قبل
يجيبه بساعه لكي يبرد المجلس ومن ثم يحطه على وكر مجلس او جصه الاسمنتيه , وثم يجيب السبوق
ويعدل فيه ويحرق راس السبوق بالولاعة علشان الخيوط اللي في السبق تلتم وتضبط.
ومن ثم يقطع واحد من السبوق اللي في رجل الطير ويركب السبق الجديد وثم يربطه في جريره الجديد ,
ومن ثم يقطع السبق الاخر ويركب فيه السبق الجديد ويقوم الصقار بعد مايضبط اسبوق الطير ويجهزه يقوم
ويجيب كيسة البراقع ويقاوس على رأس الطير من ناحية قحف البرقع يلحق في عين الطير ولا لا , ايضا
ينظر الى مكان منقار الطير هل هو وسيع على شان الروباج وهكذا .
فأذا جهزه خلاه بالبرقع فتره ومن ثم اخرج البرقع وتأكد تأكد تام من البرقع هل هو يلحق في العين ولا لا.
وأخذ الجرير وربطه في الدس واخذ برقعه وخلاه على يده وقام وكلم رفيق له وقال /: سير علي انا نقلت
الطير , سيروا عليه ربعه وبعضهم ناقلة طيره وبعض هيضوه ورجع وشل الطير واخذو يسولفون في اعلوم
المقانيص .........
وثم بعدها بيومين يجيب الشناذره ويزينها ويعدلها ومن ثم يشنذر الطير علشان يحذف الشبيكا على على
قانصته , وبعدها بفتره يجيب الثندوه ويعشيه وبعد يومين او حولها يدعيه بالسبب حتى يجهز ويكون
مستعد لبرقى الريش...
في النهاية سامحوني على القصور"
اخوكم :راعي الجرودي