سلق ماتعلم عالسياره

[abdulla]

يالربع عندي سلق ماطاع يتعلم يركب حاولت بالاكل يركبن السياره بس بدون اكل مايركبن و حاولت بالمكيف اخته ركبت بس هوه ماركب و اخته تركب قدامه وشو الحل؟؟؟
+ كيف اعلمهن عالضبي؟
+ اللياقه كم كيلو ؟
ارجو منكم الافاده

[abdulla]

17 مشاهد ولا رد؟؟؟؟ افا وينكم ياعضاء مهدات؟!

[بن منيف الكعبي]

مرحبابك اخوي

ابتدي في تدريب السلق على 1- الركوب والطريقه :

اول ما تركضه بيكون تعبان ويبي البراد لازم ان السياره امكيفه على شان يحب المكان

وحاول معاه تقول له فووق فووق وانت ماسكه من الطوق وارجع وروح صوب السياره وانت رافع الطوق معاه

تم كل يوم على هذي الحركه مدة 10 دقايق واكيد انه راح يتعلم

السالفه سالفة وقت وتدريب ياخوي اذا ما كان يحب السياره

2- التدريب على الظبي - والطريقه :

فيه سلقان تروح على الظبي مع سلقان متدربه وما يحتاج انك تدربها على طول تروح
وفيه سلقان ما تروح الا انك تخليها تفتن على جرابيع وارانب وبعدين الظبي ولازم يعقر وكل ما عقر يفتن زياده

3- مسافة التركض : هذا انت وتدريبك وكل واحد له تدريبه

النصيحه : قوي علاقتك مع السلق قبل كل الخطوات هذي

والسموحه على الاقصور

[دغاش]

السلام عليكم ورحمة الله وبركاته



كفاااء وفااااء اوخوي بن منيف ماااقصر نشاللله شبااب يفدوونك

[abdulla]

تسلمون عالمرور بن منيف و دغاش

[لاتقارني بغيري...]

وعليكم السلام ورحمة الله وبركاته
1ـ تدريب على سيارة يايكون قدامه سلوقه عشان يناظر أو تعلمه على ألاكل تحطه له وتنادية وعلى الكلمه الي تقوله مثل فوق أو أركب وبسمه .
2- تدريب على الظبي مثل ماتكرم أخوي بن منيف الكعبي ولايهنون ربع .
3- أقل شي 3كيلو. طبعن تدريب لما يكون عمر ةعشر أشهور أو بعد سنه .
لما يكون جرو بجيه تشقق بصدر ويفح لما يكبر .
وتقبل مروررررري

[راعي ليل]

الاخوان ماقصروا عطوك العلم..

[الجنوبي1]

اخي الكريم الشباب ماقصروا واجابوك وحاب أضيف توضيحات السلقه تركب لوحدها والسلوقي لابد له من الوقت ليتعلم الركوب وذلك حسب عمره وشجاعته وسبب عدم ركوبه إذا كان السلوقي يحاول الركوب ولا يقدر يقفز فامره بسيط أما إذا كان السلوقي مطيع واذا جاء وقت الركوب يهرب ويبتعد من السياره فيحتاج له أسلوب ودهاء .......... وهذه طريقه لتعليمه الركوب والنزول يكون السلوقي والسلقه محبوسين أو مربوطين وعندما يحين وقت خروجهم وتمشيتهم تمسك السلوقي بالسلسله أوالحبل وتقوده الى السياره وأخته معاه وعندما تركب أخته حاول تخليه يركب بقولك هيا هيا اركب كب كب كب وبهدوء ارفع يديه وضعها فوق المرتبه أو الصندوق في السياره وحاول تدفعه للأعلى وتتركه الى ان يتسلق ولا تنزله من السياره الى في مكان بعيد عن البيت لكيلا يحاول الهرب والعوده للبيت وعندما ينزل مع أخته أنتظرهم دقيقتين من أجل يطلقن الله يكرمك وحرك السياره قليل وادعيهن بأسمائهن وهيا هيا هيا مثلا للتشجيع وياسرع قليل ووازن السياره مع العدي الى أن تلاحظ ان العدي قل والتعب زاد وحاول الا تجهدهن وافتح الباب وركبهن بهيا هيا هيا اركب كب كب كب وبلهجه سريعه وحاول أن تحاصر السلوقي من جهات السياره ووجهه الى الباب واتركه يحاول واذا هرب نزل السلقه وخذ فيهم شوط ثاني وبعدها ركبهن ولاحظ هل هناك تقدم أما اذا هرب للمره الثانيه فحاول ان تمسكه وان ماقدرت تمسكه فنزل السلقه وخلهم يلعبون شوي وخذ فيهم شوط ثالث وحاول الا تجهدهم كثيير وانزل وحاول تمسك السلوقي بطريقتك إما بالحيله الأكل أو المراوغه وآخر حل إجهاده مع السياره لوحده أما اذاكان مطيع وينمسك لك فدله على مكان الركوب وارفع يديه ودعه يحاول الركوب وإذا تأخر في المحاوله فاضربه على فخذه بيدك خفيف مع صوت مرتفع وأنت تمسكه بالحبل لكيلا يهرب منك وحاول أن يكون السلوقي متحمس للخروج والركوب وإذا كان السلوقي شرود ولاينمسك فلا تنزله من السياره الا وهو مربوط وحاول يكون الرباط طويل واربطه في السياره واترك الباب مفتوح والسلوقي في الخارج بحيث يطول رباطه للباب وسيحاول الركوب عندما تأمره وحاول أن تركب أخته أمامه وانت بعيد وتتجه للسياره واجعله يخاف منك وانت بعيد بصوتك ووجهه للباب وان لم يركب فخفف من حدة صوتك وناديه باسمه بهدوء وحسس على راسه وحاول فيه أن يركب كما سبق وهكذا الى ان يتعود وفي البيت حاول ان تقوي علاقتك به بعدم ضربه ولو حصل انك ضربته فأرضيه في نفس الوقت وإذاكان عندك حوش ففك السلق من الرباط أو من شبكه كل يوم لفتره بسيطه وذلك لتعويده على الاوامر فعندما تفك السلوقي كلمه هيا هيا هيا وعندما تريد ادخاله اامره وأخته معه ببيت او داخل مع التكرار وبلهجه مرتفعه لكي يتعود ولاتقول له هيا هيا عند الدخول فهيا فقط للمرح وبإمكانك استبدال الكلمات بما تحب وهذه الطريقه يتجاوب بها أعصى السلق وانا متاكد انك لن تتعب في تعليمه لانه يركب في الاصل عند الاكل كما قلت وسلامتك و أأسف على الاطاله أتمنى لك الفايده وأنا اقدر مشكلتك لاني كنت اواجهها بإستمرار

[بعيد المنايا]

الله يجزاك بالخير

[حل الوداااع]

مقصرو افدووك الربع ,,يعطيهم العافيه

[راعي رمله]

افدوك الاخوان الله يعطيهم العافيه

[abdulla]

تسلمون عالمرور