الـى أصحاب الخبره

[رآعي ريشه]

سلام عليكمورحمة الله وبركاته...
وش حالكم جـمـيع عساكم بـخير
أخواني فيه وأحد من الـربع عنده جـراوه 2 وهو ماهوب راعي سلق
وقال لي. وش أعطيها ... على فكره اعمارها حول الشهرين حولها
قلت لـه عـطها حليب مـمـروس فيه تمر وبس
هل فـيـه شي ثاني يعطيها ولا لا .. لاني قلت والله لـ أسئل لك
والجراوه ضعاف تـرآ

الله لايهنكم اخواني أبي أفاداتكم لان الرجال غالي عندي وماهوب من اهل الرياض ساكن في هجره ولا عنده نت ولا شي

[المنصرم]

خله ادامه فهجره يكثر لهن من حليب الخلفات وانشالله يفيدونك الاخوان اكثر

[عنيزاوي هاوي]

حليب النياق + الحلبه

ويفيدونك الاخوان

[خيال الجدعا]

يعطيها حليب معزة يمكن اخف شوي من حليب البل

ويقطع لهن لحم الدجاج وخبز وياكلن ماعليهن

الله يوفقك ياالامير

[ذيب تميم]

ماقصراو الربع

[( حرف العين )]

الاخوان ماقصرو ولاكن لازم يتجنب التمر والحلبه في الصيف

[رآعي ريشه]

الله لايهينكم جميع بيض الله وجيهك ياخواني

[بن منيف الكعبي]

خخخخخ الله يهديك التمر يذبح الكلاب ولاهو بزين لهم

عطهم اربع وجبات فاليوم الصبح حليب ولا تكثر شوي بس والظهر حليب وانتف لهم خبز

والمغرب حليب وبالليل حليب مع خبز

وعلى فكره اي شي فيه سكر مضر للكلاب

والسموحه ع الاقصور

[الشلفان]

الحليب مع الحلبه مافي مثلها

[رآعي ريشه]

الله لايهينكم لاهنتو لاهنتو جمل الله حال كل من شارك برآيه

[راعي قشعان]

خله يكثر لجراواه حليب الشويهات

[مليون]

راعي ريشه اسال مجرب وانا اخوك عطهن علف كلاب اعزك الله ينباع عند البيطره وعطهن يوم اكل ناشف ويوم حليب بودر اطبخه وخله يبرد وخلطه معا الاكل وشوف النتيجه وموفق خير يااارب

[قانص الريمـ]

السلام عليكم
ما قصرو الربع
لكن بضيف على كلامهم

خله يقطع من الخبز ويحطه بالحليب تراه طيب ويسمن والرز بعد
امورك طيبه ترا اذا عودهن على الرز والخبز والاشياء الي تتوفرله دايم يكون احسن
تقبل مروري يالامير

[راعي ليل]

الاخوان ماقصر كفوا ووفوا.

[رآعي ريشه]

الله لايهينكم جميع ماقصرتو

[حسيبك زمانك]

الحليب مع الخبز ولحم الدجاج