صـوره لـعـشـاق الـحـرار؟ مـن أبتــلاه اللـه فـي حـب الـصـقـور فـل يـتـفـضـل.........؟

[عوق الخريش]

بسم الله الرحمن الرحيم ,,,
صقااقير منتدياات مهداااات,,
السلام عليكم ورحمة الله وبركاتة:
من منكم يفكر يترك هواية الصقور وحب الصقور وعشق الصقور والصيد باالصقور ؟
أنا صرراحة أفكر بعض ألأحياان لآصرت فى المقنااص من قلة الصيد أفكر ويطري على باالي ألأعتزاال وألأقلاع عن هذه الهواايه ,,
ولآكن لاشفت صقر بهذا الشكل يعطيني جرعة ألى ألأامااام لمدة 10 سنوااات لم أفكر باالأقلاع عن نقل الطير
هذا أحد الطيور الناادرة التي ولعتني فى نقل الصقور ولوكااان لملك غيري ! ولاكن فيه جميع مميزاات الندارة وهي الهجارة الزائدة والفجاحة الزائدة والرأس الغريب المستطيل
والمناكب الناادرة والثنداة النادرة والعااتق الناادرة والريش القليل ,,
وهل صحيح أن بعض الطيور يولعك في أوصافة كماا تولعك البنت المزيونه أنا أقول نعم !!

مشااء الله تباارك الله قرناس وحش بكر


http://www.mekshat.com/pix/upload04/images171/mk77123_9776.jpg
كلنٍ يشوش افوصف طيرٍن سمعناه
فى السوق ولاشاف طيرٍن لأميرة

وكلنٍ تحلاْ نظرت الطيرووفاة
وزادة على زينة أوصوفٍن كثيرة

مالوم من يكتب شعاء الطير فى هواه
كلنٍ يعبر عن خواطر ضميرة

واليوم أباصف طير يقل شروااة
ببيوت دام القاف عجل مسيرة


أباصفة لوكنت فى الوصف مجزاه
كامل كمال الزين والله يجيرة


نواف من سمها ياكيف سماه
نادرعلية ألوصف صقرالجزيرة


لآشفت زولة واقعن فوق مركاه
كنة زعيم القوم فوق العشيرة


اغتر نحرمن فرة العنق لدناه
وزود الغتار أخضاب حنا يحيرة


ولا الظهر كن لهبة النار تشعاه
كنة علية البشت يسبل حريرة


أمطرزٍن سبل الغطاوي على أجواة
ولآ الذهب كنة يخالط نجيرة


صافي عمد ريشة من أعلاة لقصااة
ودق المواسي كملت لة نظيرة


والراس كن أبصافي الزبد غطاه
والعنق كنة عنق ريم الوعيرة


أقحوف عينة فية الغار غماة
عين العديم اللى عيونة شريرة


بارز نحر زورة من العرض واساة
من منسرة لى معلفة مع نحيرة


متفهق الجنحان من عرض ثنداة
ولاالمناكب شامراتٍن تعيرة


شبرين من بوزة ألى كف ماطاه
وشبرين لالم الجناحين غيرة


هجرٍن قصير الساق والريش يكساة
افجح أمسرول والمخالب شطيرة

عوق الكبير أللى سماء الغيم خفاه
ويرهي على ربدٍن خريشٍن صغيرة

انا أشهد أنة طير ماطار دماة
يسواء على زينة محاصيل ديرة

يستاهلة راعية واقول حلياة
طيرة وشاله قبل شيخٍن يديرة






*




تحياتي لكم...... وشكراّ ,,


*


أخوكم


*


( عوق الخريش )

[خيال الجدعا]

الله الله يابو مشهور ماشاءالله تبارك الله على هالطير الطيب

الله يطرح البركة وتشبع من حبارية (: وصح لسانك ياشاعر

مافيك حيلة ياالامير مهما قلنا مانوفيك حق ابداعك لاهنت ياكحيلان (:

[عوق الخريش]

اقتباس:
المشاركة الأصلية كتبت بواسطة خيالة الجدعا http://www.mahadat.com/vb/mahadat/buttons/viewpost.gif (http://www.mahadat.com/vb/showthread.php?p=106570#post106570)
الله الله يابو مشهور ماشاءالله تبارك الله على هالطير الطيب

الله يطرح البركة وتشبع من حبارية (: وصح لسانك ياشاعر

مافيك حيلة ياالامير مهما قلنا مانوفيك حق ابداعك لاهنت ياكحيلان (:



اخوي الغاالي :ابومعجب مرورك يسعدني ويشرفني مرحبااا ومسهلا فيك ورحب ,,,
أشكرك على الحضور المميز والمشاااركة الطيبه لاهنتـــ,,
والله يبيض وجهك يا كحيلان على الرد ولايحرمني منك,,,

[الشقاوي]

ماشاء الله تبارك الله

مايجيب الحرالا الحر بيض الله وجهك وصح السانك

[مهاجر الخلان]

الله يبو مشهووووور عزالله طيرن طيب وراعيه اطيييب مشاءالله تباركـ الله وانت راعيه نقووه واصايل مشاءالله وصح لساانكـ



بس بغيت انشدك يبو مشهوور شلوون قرناااس و بكر مافهمتلك يالغلا



ومشاءالله مبدع في موواضيعك يانووور المنتدى


اخووك: ابو بدر

[التميمي]

مشاء الله تبارك الله

الله يشبعك من حباريه


وفالك الحباره السبوووق

وصح لسانك

وبيض الله وجهك على القصيده

[عنيزاوي هاوي]

مشاء الله تبارك الله

بيض الله وجهك

وص لسانك يا الامـــــير

[رصاصه]

ماشاء الله
صح لسانك يا الذيب ونتظر جديدك

[4x4]

مشاء الله تبارك الله

الله يشبعك من حباريه


وفالك الحباره السبوووق

وصح لسانك

[الهاوي..]

وعليكم السلام ورحمة الله وبركاته


ماشاء الله تبارك الله على هالطير الطيب..

الله يطرح به البركه ان شاء الله وتشبعون من صيده..

وصح لسانك يابومشهور على القصيد..


وتسلم يمينك وننتظر جديدك القادم والمبدع..

[أبوتميم]

مشاء الله تبارك الله على ها الطير يابو مشهور وصح لسانك يا الذيب ويعطيك العافيه

[السطمي]

ماشاء الله تبارك الله وصح لسانك ونشاء الله يطربك في الحباري
تقبل مروري

[ذيب تميم]

مشاء الله تبارك الله

الله يطرح فيه البركة

[شعيل]

وعليكم السلام ورحمة الله وبركاته . .
،،
ما شاء الله تبارك الرحمن . .
،،
طير طيب والله يطرح فيه البركه لراعيه . .
،،
وبيض الله وجهك اخوي عوق الخريش على الموضوع والأبيات الجميلة . .

[قناص سوريا 1]

لآشفت زولة واقعن فوق مركاه
كنة زعيم القوم فوق العشيرة
صح لسانك يابومشهور يالغالي
ومافيك حيلة يالامير
والطير ماشاء الله تبارك الرحمن
لاهنت يالامير على هذه المواضيه الطيبة

[السوفي]

ماشاء الله تبارك الرحمن
صح لسانك ومشكور على الصورة والابيات.

[وافي زمانه]

بيض الله وجهك وافي

وصح السانك

[مهجور]

الله الله يابو مشهور ماشاءالله تبارك الله على هالطير الطيب

الله يطرح البركة وتشبع من حبارية (: وصح لسانك ياشاعر

مافيك حيلة ياالامير مهما قلنا مانوفيك حق ابداعك لاهنت ياكحيلان (: