تكفون يااهل الخبره

[عاشق قمره]

السلام عليكم ورحمه الله وبركاته
كيف حالكم ياعيال ياخبراء عساكم مبسوطين ومرتاحين مع سلقكم
عيال عندي مشكله مالهآآآآآ حل قبل كمن يوم اهداني شخص سلق من عنده عمره سنـه جنني قلب وجهي احمر ورافع ضغطي والللي ينرفزني اكثر اني اوديه البر واشوف جربوع ماينزل على فكره مو متدرب عطوني حللل ايش الخطوات ابي ادربه لكنه مش مطيع في بعض الاحيان اكلمه واردد اركب اركب اركب مايركب ليش :mad::mad::mad::mad::mad::mad::mad: الله لا يهينكم ويبارك فيكم ابي حل لاهنتووو ياخبراااااء
بأنتظار ردودكم علىآ احر من الجمر

[مهاجر الخلان]

اول شي يالغالي منورنا ومرحبا الف في منتداكـ وبيتك الثاني وياهلابكـ



ثاني شي بنسبه لمشكلتك ابشرك ماهي مشكله انشالله انها سهلات السلقه يبلك تمشي فيها بالحبل والا سلسله تعودها عليكـ بالنسبه هذا لشروود ثاني شي تجيبلك جربوع من البر حي وتهده لها في محل مسكر يعني مايمديه الجربووع ينحاش مع تصويتك لسلقه حو حو حو يح يح يح وانتبه جوع السلقه يوم والا يومين اذا مسكه الجربووع ززين فهمت الدعوه وبالنسبه لشي الثاني انها تقول اركب اركب ماتسمع لانها مو متعلمه فالطبيعي تسوي كذا المشكله انها كبيره عمر لو انها جرو كان اوووه سهلات بس مافي مشكله صبركـ على السلقه اذا سياره حووض افتح باب الحووض وانت ماسكها بالسلسله وقلها فوووق واركض انت معها بالتجااه الحووض مره مرتين ثلاث اربع خمس اذا ماركبت اسحبها مع ترديدكـ فوق فوق وركبها غصب واربطها ومن بكره نفس الحكايه فوق فوق على ماتفهم وانشالله اني افدتكـ بشي ونتحري الاعضاء يالغالي


واذا تبي اي شي حاااضرين للغالين.......

[الــــروقــــي]

ماقصر اخوي مهاجر الخلان


حبيت اضيف نقطه بسيطه لو تبيه يتعلم بسرعه جب معه سلق مدربه وهو بيقلدها.

[عاشق قمره]

جزاااكم الله خيير وخصوصن مهآجر
مهاجر كل ذا اللي قلته سويت معه ولا فاد شيء ومادري ايش السوات انآ ابعطيه اسبوعين اذا وضعه ماتغير ابشوته برا :(

[( حرف العين )]

مرحبا ياخوي راعي قمرا

السلوقي مايطيعك لانه مب عارف انت وشتطلب منه ولازم السلوقي يعرف صاحبه ويآمن فيه وبعدين راح يتعلم الآوامر منه وفترة اسبوعين غير كافيه واسهل طريقه لتعليمه انك تجيب له سلوقي متعلم وراح يتعلم منه خلال ايام بسيطه

[راعي وفله]

أفادوك الإخوان

[عاشق قمره]

حرف العين عين العقل
السلوقي هذا غريب مره جبته عند راعيه وياما حاولت لكن مايدري وين الله حاطه مايعرف من راعيه يحسس انه يتيم وراعيه مايهتم بس يومه اكل في اكل وماهوب متدرب كلش كللششش شكلي برجعه عند راعيه جنني

[ابو ضويان]

الاخوان ماقصروا

وللمعلوميه التدريب مايكون بيوم وليله يبي له صبر اذا تبي شغل عدل

ونصيحه يكون معها وقت التدريب سلوقي مدرب على عكس جنس الي عندك


هذا الي عني .. ]

[راعي ليل]

الاخوان ماقصرو كفوا ووفوا..ولاتستعجل

تقبل مروري