ارجو من اخوي حرف العين بالدخول للأهميه..

[راعي هدّاد]

السلام عليكم وحرمة الله وبركاته


مساكم الله بالخير جميع


كيف الحال ياربكم طيبين..




بخصوص البطوله المقامه في الامارات بالتحديد (سويحان)


على حسب علمي ان الاخوان اختارو واحد من اللجنه المنظمه في الامارات الا وهو(احمد السويدي)



بدون اي زعل يا اخوان واي حساسيه

وبصراحه هذا الانسان لايستحق لقب اللجنه..


لأني كل ما اتصل فيه مايرد علي..

وارسله رسايل ولا يتصل علي...



ومرت الايام واتصل فيني يوم الخميس الي طاف..

وقالي مانقدر نهد ومدري كيف..

ولازم تصريح من الشيوخ..فأنا قلتله ماعندي اي مشكله انتو حددو متى الهدد واتصل فيني ولا تنسى...


وقالي الهدد راح يكون يوم الاثنين الي هو امس..



والرجال لا اتصل فيني ولا هم يحزنون ولا عبرني


وانا حرقت تلفونه بالاتصالات..


وماقول غير الله المستعان


وارجو من منظمين المهدات بختيار ناس عندهم خبره قويه في هذي السوالف..



وشكراً

[( حرف العين )]

السلام عليكم ورحمة الله وبركاته

اخوي راعي هداد

الله يعطيك العافيه على توضيح الخطاء

وبكل امانه ياخوي راشد اللجنه المنظمه عندكم هي اللي تبرعت وتكفلت بل تصفية اللي عندكم وهي اللي اعرضت للمنتدى ان تتكفل بكل شي !!!

لو في اعضاء متحمسين مثلك من دولة الامارات لهم علم بل مهدات ودرايه وكامله ومهتمين مستقبليا الاداره راح اتخيركم وتاخذ اقتراحاتكم وارائكم .

وانشاءالله راح يصير التنسيق مع المشرف الجديد لقسمكم علشان نضع خطط مستقبليه للمهدات عندكم .

واليوم وصلتني اسماء للسلق المشاركه في النهائي عندكم واللي راح يتاهلون سلوقين منها راح اطرحها بموضوع مستقل .

[راعي هدّاد]

يعطيك الف عافيه يا حرف العين


والله يطول في عمرك


وانا ماني بمادح نفسي واقولك اني استاهل اني اكون من اللجنه..

لكن في ناس اخبر مني ومن الي ينقاله احمد السويدي في التنظيم


واذا في اي هدد عن طريقكم في الامارات عطني خبر وراح تشوف التنظيم بمعنى الكلمه..

[( حرف العين )]

تسلم ياخوي راشد

وبيض الله وجهك

والله لايحرمنا منك

موفق بإذن الله ... لك مني أجمل تحية .

[راعي ليل]

مشكورياراعي هداد على الموضوع وبارك الله فى حرف العين على النضر فى هذا الموضوع000




هذا ولكم خالص تحياتى00

[عاشق السلق]

بسم الله الرحمن الرحيم
السلام عليكم ورحمة الله وبركاته
اخوي راشد راعي هداد انا دايمن على تواصل مع الاخ راشد السويدي منضم اللجنه لدولت الامارات
واسمحلي اقولك انك مالك حق اتقول انه مايستاهل لان الاخ راشد رد عليك وقالك ان المسابقه فقط للعربيات وانت قلت عندي مخاليط وقالك ان المخاليط ماتدخل والسموحه
وتقبل مروري

[راعي هدّاد]

خوي عاشق السلق


انت صدقت في كلامك يوم اني قلتله هل يجوز للمخلوط بالاشتراك او لا..


بس هالكلام هب معناه اني بشارك في مخاليط..


يعني مابقولي مكان الهدد بالتحديد ولا برد علي عشان اني قلتله بخصوص المخاليط..؟


ليش مالي الحق اني احظر الهدد ولا بس للمشاركين..؟


وانا على اساس اني مجهز 3 سلقان عربيات اشارك فيهن..

وانا قلتله اني يايب سلقان من سوريا وقطر عشان اشارك فيهم..معنى هالكلام انه يدري وعنده خبر اني بشارك في عربيات..

يعني تاعب عليهن شهرين وانا اليق واخر شي لايرد علي ولا شي..


صراحه هب تنظيم هذا


واسمحلي على الكلام ياخوي عاشق السلق..

لكن هذا الشي الي حاصل..


واذا بغيت اتعرف التنظيم.

عندك مروان السبوسي..

ناصر النيادي..

محمد النيادي..

علي الاحبابي..

هذي الاسامي المعروفه في تنظيم المهدات..خصوصاً المنظم ناصر..


واسمحلي مره ثانيه على هالكلام..

[عاشق السلق]

السلام عليكم ورحمة الله وبركاته
اخوي راشد انا الي اعرفه انك اتصلة بلمنضم راشد السويد ورد عليك وكلمته وخبرك بشروط ومن كلام المنضم ان عندك سلقه مهجنه تبا اسجلها وقالك شروط المسابقه انه ايكون السلق عربي اما غير العربي لايدخل المسابقه
الغالي انت يوم عندك سلقان عربيه وامرنه ليش ماسجلتها نفس الوكت يوم كلمته المنضم
وبخصوص المنضمين الي ذكرة ونعم من ذكرة ياخوي والدوله فيها منضمين وايد ومعروفين ومن ضمنهم المنضم راشد السويدي الي اتكلف بهاي المهمه واشهد انه ماقصر ولاتنسا ان الاختيار من ادارة المنتدا وهي صاحبة الشان في اختيار المنضم

وبخصوص التصفيات انا الي اعرفه ان اكثر الناس اتعذرو حد قال وراي قنص وحد قال سلقاني مافيهن لياقه ولاتنسا ان الوقت ايمر وقطر والسعوديه تقريبن خالصين من التصفيت والسموحه

[راعي هدّاد]

اخوي عاشق السلق

كلامك كله صحيح


لكن حبيت اقولك ان الاخ راشد السويدي يدري اني بشارك بعربيات واذا انته هب متأكد من كلامي اتصله وقوله راشد المنصوري ماقالك مجهز سلقان من سوريا وقطر..؟

وشوف شو برد عليك

واذا كان الجواب لا فهو كذاب..

لأنه يدري اني مجهز

والسموحه

وارجو من يهمه الامر بإغلاق الموضووع..