سؤال لأصحاب الخبرات في التدريب

[][ رٍأعَـِي قمَـِرٍآن ][]

السسسلام عليكم ورحمة الله وبركاتة ،،،
:..:
:..:
:..:
صبحكم / مساكم الله بالخير كلاً حسب دخوله فيه سؤال عن طريقة تدريب السلوقي يروح يجيب الصيده بعد رميها بالسلاح ياليت اللي عنده طريقة تدريب بالموضوع هذا يعلمني كيف ويشرح ،،،
:..:
:..:
:..:
وتحياتي لكم ،،،

[سلطان العوني]

اتوقع التدريب اللي يمشي مع التكرار ينفع لها

والله ما عندي خلفيه عن هالشي

[! بــــدرٍآنٍ !]

وعليكم السلام والرحمة والإكرام ,,,

//
..
..


ياليت أقدر افيدك بالخصوص هذا يابو عبد الله ولكن طريقة التدريب هذي أجهلها ولكن إحتمال أراسل الخبيرة كارين عن طريق الماسنجر وإن شاء الله تفيدني ونعيطك خبر ,,,


//
..
..


تقبل مروري .

[][ رٍأعَـِي قمَـِرٍآن ][]

يعطيك العافيه أخوي سلطان العوني ماقصرت على مرورك ،،،
:..:
:..:
:..:
تحياتي لك ،،،

[][ رٍأعَـِي قمَـِرٍآن ][]

يعطيك العافيه يابو خالد ياليت والله تسوي فيني خير ،،،
:..:
:..:
:..:
تحياتي لك

[عاشق السلق]

السلام عليكم ورحمة الله وبركاته
ليتني اقدر افيدك ياخوي راعي قمران واتوقع التعليم من الصغرعلى كوره او دميه على طريقة العب والكلام والتكرار
ولاكن الي اعرفه انا ننتضر رد اخوانا الكبار اعضاء المنتدا
وتقبل مروري

[راعي ليل]

عاشق السلق كلامك عين الصواب وانااضم صوتيي لصوتك0
ابوعبدالله بارك الله فيك على الموضوع000




تقبل مروري

[هاوي وناوي]

السلام عليكم ورحمة الله وبركاته حياك الله الله اخوي
الصراحه الموضوع مميز ولاهوب بسيط الأجابه عنه
لكن عندي حل يمكن يفيدك لكن الحل هذا ماينفع الا للجرا
اولا عليك احضار قطعة قماش ويفضل خيشة رز بعدين تطويها وتربطها بحبل قوي وصغير نايلون افضل شي
بعدين تلعب عليه الجروا وتحاول تزرع فيه اللعب بها تسحبها قدامه ويمين ويسار لين يلحقها وعطها اياه واول مايفلتها اسحبها كأنها صيده ويوم افلتها يحسبهانحاشت وبعدين مع التمرين لمدة اسبوع هات له ارنب واطلقه وانتبه ترا الجروا الخواف مافي امل يتدرب على هالخدعه المهم تطلق الأرنب واكييد بيلحقه واشدد على انه لازم يكون الارنب صغير جدا حتى يقدر يسيطر عليه
وبعدين طال عمرك تاخذ منه الأرنب وتوزيه ولا جا بكره نفس الحركه اليوم الثالث الله يسلمك تحط الارنب بحضنك او قريب منك وتخلي الجروا يشوفه هو على حسب كانه لعوب ولا يهابك بيجيك على طول وان كان متردد يبي يجي ويبعد لين يحس بالأمان المهم انت تثبت على وضعيتك بيجي الجرو اول مايقرب منك مسافة نص متر تطلق الأرنب بيلحقه وبتاخذه منه بعد شوي نفس الطريقه واو مايقرب منك الجرو بتطلقه نفس الحركه السابقه بعدين تاخذ الأرنب وبكره توريه الأرنب وهو في حضنك وماتطلقه لي يجي السلوقي ويشمه وهو في حضنك وتطلقه قدامه
الحركه هاذي بتشيل الرهبه من قلب الجروا
بعدين طال عمرك تجي المرحله اللي والله انها مالها داعي لكن من باب التدري قبلناها
اذا حسيت ان الجروا انفتن على الأرنب هات الأرنب واربطه بخيط نايلون واطلقه وانت ماسك الخيط طبعا لازم يكون الخيط طويل ونت ماتتحرك من مكانك يمسكه الجروا تبدى طال عمرك تسحب الخيط بلطف يمكن الجروا يطلق الأرنب انت ونت تسحب علم الجروا كلمة يعني مثلا انا استخدم هاته بشويش يعني ماأصيح فيه وهو يمكن يفلته لكن انت استمر واسحبه بشويش الجرو ان تعلق فيه فالحمد لله والا عليك انك تكرر المحاوله المهم تمسح على الجروا اول مايوصل عندك يمكن لا جيت تمسح عليه يهج لكن ماعليك خذ الأرنب وحطه بعيد وبكره كرر الطريقه المهم محاوله الخيط والخيشه لازم تستمر عليها لأنها مجربه وناجحه وانتبه تتركها عنده يلعب فيها لحاله انت عطه خمس دقايق كل يوم تلعبه بالخيشه بعدين ارفعها ورده لشبكه لان السلوقي اساس تطبيعه يلعب معك ان لعب مع السلق الثانيه او لحاه ماراح يطمئن لك كليا يجب انه يأمن انت بس وانا ادري انه هالموضوع مايخفى عليك
اما السلق الكبيره
انا حاولت معها ولا نجحت الا مع واحد وكان مايجيبه لي كان يركبه بالحوض وسمعت عن سلوقي ما علم ولا شي من نفسه كان مايترك صيدته بالأرض كان لما يصيدها يجي ويركبه بالحوض
بعلمك طريقه اللي استخدمتها مع السلوقي الكبير
كنت اعطيه عشاه بالبر وكنت اخذله عظام
وكنت انزله واحذف له عظم واول مايمسكه كنت اصيح فيه اركب اركب طبعا عظم الدجاج ماينفع لأنه بيبلعه قبل ماتنطق لا!!! خذله كراع غنم والا ظلوع
المهم اول مايمسكه صح فيه اركب ولما يركب زين وان ماركب انزل عليه وخله يركب غصب ان ترك عظمه خذه لاتخليه وياليت يشوفك ونت تاخذه وارمه له بالحوض زين وبعدين بعد شوي خذه منه ونزله وارمله عظم ثاني وقله اركب وان ركب زين وان ماركب خذا العظم وارمه له في الحوض وقله اركب بيركب وبياكل في الحوض بكذا بيامن الأكل في الحوض
المهم انت حاول انه مايتعود الأكل في الحوض السلوقي حقي بعد ماتعلم الحركه ذي صار لا جاع من يوم انزله وهو ورا الموتر ولا وقفت نقز يحسب انه بيحصل اكل فيه
اتمنى اني افدتك
ولك مني خلص التحيه والتقدير