بطولة ( بطل ابطال الخليج 2008 )

[( حرف العين )]

(بسم الله الرحمن الرحيم )

السلام عليكم ورحمة الله وبركاتة


ستقام بمشيئة الله تعالى وبرعاية ( منتديات مهدات للسلوقي العربي )

اول بطولة من نوعها على مستوى منتديات الخليج وهي بطولة باسم ( بطل ابطال الخليج ) وتفاصيل البطولة هي ان تقام تصفية عبارة عن شوطين يتاهل الحاصل على المركز الاول من الشوطين للنهائي ويتنافس على لقب ( بطل ابطال الخليج ) وعلى الجائزة الكبرى .

الملاحظات :

1- موعد التصفية في قطر للمهدين : ( 18-10 -2008 ) فجر يوم السبت في صبخة ( الذخيرة)

2- ستقام التصفيات في :

1- دولة قطر مهدين

2- المملكة العربية السعودية مهد في الشمال + مهد في الجنوب ( التفاصيل في قسم السعودية )

3- دولة الامارات مهدين ( التفاصيل في قسم الامارات )

4-يجتمع الفائزون بل مراكز الاولى الى الهدد النهائي الذي سيقام في ( دولة قطر )

3- مسافة المهدات ستكون ( 2500) متر

4- ستكون الجائزة الكبرى مالية للمركزين( الاول والثاني )

5- الظباء المجهزة للمهدين والشوط النهائي : مسيار + سبيل + 4 ظباء اقوى منهم

6- سيضاف الى الستة الحاصلين على المراكز الأولى الذيخ ( عافور ) للنهائي ورصيد الذيخ حاصل على المركز الأول في 6مهدات والمركز الثاني في مهد 1.

بلأضافة الى بطل بطولة السوبر !!!

7- سيتحدد تاريخ النهائي بعد الانتهاء من التصفيات مباشرة .

8- تصوير كامل للحدث : فيديو + صور

9- سوف ارفق اسماء المشاركين في القريب العاجل

للأهمية :

1- تنظيم هاذه الحدث سوف يكون تحت اشراف اشهر واقدم المنظمين في (دولة قطر )

2- جميع الاعضاء انتم في منبر حر وباب الانتقاد الايجابي والملاحظات على المهدات مفتوح للجميع واي شخص يشوف أخطاء حصلت في اي مهد سواء المهدين او المهد النهائي وحاب يعلق عليها او يذكرها ياخذ راحته بشرط الألتزام بلأحترام وعدم التجريح او الشتم !!!

( اسال الله تعالى ان يوفق عموم المنظمين وعموم المشاركين وعموم المشرفين على هاذه الحدث)

[ابو تمام]

أخبار مميزه من مشرف متميز الله يعطيكم العافيه وإنشاءالله تطلع البطوله بشكل رائع

لكن بالنسبه للسعوديه مهد في الشمال ومهد في الجنوب اللي أعرفه إن الجنوب الإهتمام بالسلوقي قليل أكثر أهل السلق في نجد والحجاز

تقبل مروري ودمت بود

[هاوي سلق]

الله يوفق الجميع لما يحبه ويرضاه
يعطيك العافية اخوي حرف العين

[راعي هدّاد]

اول شي تشكر اخوي حرف العين على هالخدمه الاكثر من رائعه


ويعجز اللسان عن التعبير بكل مافي قلبه



وبالنسبه لتعليقي

عندي تعليق بسيط ..


بخصوص ان الذيخ عافور راح يشارك من الست الاوائل...

دام هالذيخ ماخد المراكز الاولى..حاول انك ماتشرك ولا ذيخ في البطوله من خارج التسجيل..


يعني لا ادخل شي ماخذ هالمراكز كلها..


لأن سبحان الله يمكن يكون في ناس ولا مره شاركو في بطولات او انه في ناس ولا مره جابو المركز الاول فبكون هالمهد هو الشي المحفز لأخر المركز الاول...يعني اذا سمعو ان في ذيخ راح يشارك والذيخ هذا فايز في مهدات واجد راح يتكيسلون ويقولون مب طالعين الاول اكيد لأن في شي قوي بشارك معانا..


اختصار الموضووع::حاولو انكم تعطون الغير فرصة الفوز في هالمهد...


تقبلو مروري..

[راعي هدّاد]

خوي حرف العين

بخصوص المهد الي بتنضمونه في الامارات

انا رحت قسم مهدات الامارات ومالقيت شي...

ارجو ان تفيدني وين بكون الهدد بالضبط ومن تنظيم من..


والنهائي وين راح يكون...

[( حرف العين )]

السلام عليكم ورحمة الله وبركاته

لكن بالنسبه للسعوديه مهد في الشمال ومهد في الجنوب اللي أعرفه إن الجنوب الإهتمام بالسلوقي قليل أكثر أهل السلق في نجد والحجاز

مرحبا ياخوي برق

بل نسبة للجنوب اقصد فيها الاحساء والمناطق اللي بعدها وعلشان يظهر ( بطل ) يمثلها .

والمناطق الشمالية مثل ماتفظلت واشرت لها يطلع منها (بطل) ويمثلها

ويجتمعون في النهائي وطبعا السلق اللي راح اتشارك في المهدين سلق لها

صيتها وسمعتها في المهدات عندكم علشان يكون النهائي لابطال ذو مستوى مشرف وقوي .

وانشاءالله المشرف اللي تابع لمناطقكم راح يفيدكم اكثر مني بتفاصيل .

وشكرا

[مهاجر الخلان]

مشكور وبيض الله وجهك والي بيبي يشارك منوين طيب؟

[( حرف العين )]

السلام عليكم ورحمة الله وبركاته

بخصوص ان الذيخ عافور راح يشارك من الست الاوائل...

دام هالذيخ ماخد المراكز الاولى..حاول انك ماتشرك ولا ذيخ في البطوله من خارج التسجيل

حسب علمي!!

اخوي راعي هداد المهدات عندكم شغاله حاليا وسيتم جمع السلق الحاصلة على المراكز الاولى في مهدين عندكم ويتاهل الأول من كل مهد للنهائي .

وكونك وصلت للمهدين النهائين في بلادك هاذه بحد ذاته يعتبر انجاز لك وكونك راح اتفوز باحدى المهدين يعتبر انجاز لك وكونك راح اتفوز في النهائي يعتبر انجاز كبير لك .

وخلاصة الموضوع : السلق اللي عددها 6 في النهائي بهاذه الطريقة راح اتكون اقوى سلقان في ساحة التحديات في الخليج واللي يقول انا املك سلوقي قوي راح يبين في هاذه البطولة .



بخصوص المهد الي بتنضمونه في الامارات

انا رحت قسم مهدات الامارات ومالقيت شي...

ارجو ان تفيدني وين بكون الهدد بالضبط ومن تنظيم من..


انشالله غدآ راح انزل لك الاعلان بلأضافه لرقم واسم المتكفل بعملية التصفيات عندكم وراح يفيدك انشاءالله واي ملاحظات عندك بخصوص التصفيات اللي صايره عندكم اتمنى اتفيدنا حتى لو كانت توجد سلبيات اذكرها

وشكرااااااااااااااااااا

[راعي هدّاد]

ابشر ياطويل العمر حرف العين


وانا عندي واحد من ربعي من هل قطر يبغي يشارك في البطوله عند من يروح ويسجل.؟

[مخاوي الذيب]

][حرف العين][

صبحك الله بالخير

مشاء الله عليكم بدايه موفقه للكل

وهذا ان دل راح يدل على نشاطكم وهمتكم

وانا اشهد انكم بيضتوها

الله يعيطك الف عافيه

لا هنت..

:
.
.
مخاوي الذيب

[عوق الخريش]

يعطيك العافيه والله يقويكم

[خيال الجدعا]

تسلم اخوي حرف العين والمملكه وشلون الاشتراك للي بيشارك مع الشباب شـكــ وبارك الله فيك ـــرا لك ... لك مني أجمل تحية .

[دحروج]

يعطيك العافيه والله يقويكم

[( حرف العين )]

السلام عليكم ورحمة الله وبركاته

الاخوان : مهاجر الخلان + مخاوي الذيب + عوق الخريش

بارك الله فيكم على مروركم وردودكم الطيبة

اخوي راعي هدد

ارسل لي اسمه واسم السلوقي اللي حاب يشارك فيه على الخاص في اسرع وقت .

وشكرااا

اخوي بومعجب التفاصيل بل نسبة للمهدات عندكم راح يفيدك فيها مشرف قسم السعودية

موفقين بإذن الله ... لكم مني أجمل تحية .

[( حرف العين )]

السلام عليكم ورحمة الله وبركاته

اخوي دحروج

تسلم على مرورك

شـكــ وبارك الله فيك ـــرا لك ... لك مني أجمل تحية .

[بوراشد]

يعطيكم العافيه وبالتوفيق ان شالله

[الرويلي_1]

السلام عليكم ورحمة الله

انا اخوكم اللي راح اكون مسؤل عن المهدات اللي في السعوديه اخوانا اللي يودهم يشاركون الرجاء الاتصال على 0500960097

المهد يكون جنوب البارده يوم الخميس الموافق 09/10/2008 صباحا
اخر موعد للتسجيل يوم الثلاثاء 07/10/2008



اتمنى للجميع التوفيق

[سهم قطر]

حرف العين البطوله الي بتسوها من الحكام ليكون الحكام هم حكام السوبر !!!!!!!!!!!!!! اسمع (1) المشاركين من مجلس التعاون (2) بدون فظايح في المهدات (3)في قانون تمشي على

[( حرف العين )]

السلام عليكم ورحمة الله وبركاته

الاخوان بوراشد + الرويلي يعطيكم العافية وعساكم على القوة .

حرف العين البطوله الي بتسوها من الحكام ليكون الحكام هم حكام السوبر !!!!!!!!!!!!!! اسمع (1) المشاركين من مجلس التعاون (2) بدون فظايح في المهدات (3)في قانون تمشي على




1- الحكام = الجمهور والمشاركين والمنظمين ولو صار خطاء بيكون امام مرئى الجميع والجميع راح ياخذ حقه .

2- شي طبيعي راح يكونون من دول الخليج .

3- انشاءالله مافي لافضايح ولا شي وراح يكون مهد يبيض الوجه بأذن الله .

4-القوانين ياليتك لو ذكرتها واكون شاكرلك

ويعطيك العافية على الحماس والاهتمام .

وشكرااا

[قناص_قطر]

السلام عليكم ورحمة الله وبركاته

اخوي حرف العين حبيت اعرف كم عدد السلقان المشاركه من كل دوله واتمنى انا عدد السلق مايكون قليل عشان يكون في مجال لجميع الناس وتكون على عدت اشواط

ويعطيك العافيه

[( حرف العين )]

السلام عليكم ورحمة الله وبركاته

اليوم انشاءالله بل نسبة لقطر راح تتوزع السلق على 3مجموعات واعدادها راح اذكرها .

اما عن السعودية والامارات اللي عنده شي قوي يتفضل بل تسجيل عند المنظمين وراح اتصير مهدات عندهم وبيطلعون الفائز بل مركز الأول علشان يمثلهم ويشارك على طول في النهائي اللي راح يصير في قطر .

وشكراااااااا

[راعي ليل]

مشكور ياحرف العين والله لايهينك0ولكن جنوب السعوديه0ليسى لديهم اهميه كبيره فى السلق00




تقبل مروري

[عاشق السلق]

يعطيك العافيه اخوي بوعوف على المجهودالطيب وبارك الله فيك وبتوفيق انشالله
وتقبل مروري