مشكلة عدم رغبة السلوقي في صيد الظبي

[( حرف العين )]

السلام عليكم ورحمة الله وبركاتة

الموضوع :

حصلت من قبل فتره بسيطه على سلوقي يبلغ من العمر سنه ونصف تقريبا وهو غير صائد من قبل وعلمته على صيد الارنب والجربوع والحمدالله طلع مستواه ممتاز ولاكن صادفتني مشكله وهي عدم رغبته لصيد الظبي وفي البدايه فكيته مع سلق متعلمه وقامت بطرح الظبي وهو يناظرهم دون فعل اي ردة فعل وفكيته مره اخرى ولاكن بمفرده وللاسف ولا كانه في ظبي يركض امامه وفكيته مره ثالثه مع سلوقي متعلم وقام السلوقي المتعلم بطرح الظبي وهو يناظر دون اي رده فعل منه .

طبعآ حاليآ انا محتار بين امرين وهم :

1- هل افكه باستمرار مع سلق متعلمه وتقوم بطرح الظبي مع العلم انه في المرات السابقه ماشفت منه اي رده فعل او التفاته منه وانه الغزال الذي يركض امامه وينطرح من قبل السلق اللي معاه عباره عن صيده .

2- لايوجد حل له ومايحتاج اتعب نفسي معاه .

فحبيت اطرح الموضوع للآستفاده من خبراتكم و وضع الحلول للمشكله لاني متاكد انه الكثير من الأعضاء واجه او سوف يواجه هاذي المشكله !!!

وانتظر تفاعلكم وردودكم حسب تجاربكم

[صياد الوعل]

اخوي / ابو عوف

ماشاء الله عليك ما خليت طريقه ما سويتها ... و انت استاذ .....
اخشى ان يكون سبق و هد على غنم و ضرب .... وهذه تجربه سابقه

واعرف سلق قويه على الارنب و ما تطلب الظبي مهما سويت ... راي ان كنت متعشم فيه كثير تعطيه كمن فرصه قبل ان تذهب للخيار الثاني ...!!!

[بوحميد]

شـكــ وبارك الله فيك ـــرا لك ... لك مني أجمل تحية .

موفق بإذن الله ... لك مني أجمل تحية .

[( حرف العين )]

يتبع :

يعطيك العافيه ياخوي بوعبدالملك وشاكر لك مرورك وردودك

اخوي بوحميد شاكر لك مرورك

[عثمان]

ابو عبدالملك مآخلا شي لنآ ..

كفى ووفى ..

وانا اقول حآول معه كم مره قبل الخيار الثااااني ..

[بندر بن حزمان العازمي]

شـكــ وبارك الله فيك ـــرا لك ... لك مني أجمل تحية .

موفق بإذن الله ... لك مني أجمل تحية .

[sloomiii]

أخي حرف العين السلام عليكم

مرت علي المشكله هاذي لاكن حاول تفكه مع سلق متعلمه أكثر من مره

لا تستعجل عليه اذا كنت تبيله مطاريد

[القحطاني505]

عليكم السلام ورحمة الله وبركاته:

اخوي حرف العين عندي لك طريقتين ومجربه:

1/اغلبكم يعرفف السلقه منوه اللي بالحسا الدغمه كانت ماتطرد الظبي وانهدت اكثر من 10 مهدات ولا كنها تشوفه ومثل ماسويت لكن في طريقه جربها راعيها وهي كثر المقناص فيها اذا كان يطرد جربوع او ارنب حاول تهده اكثر من مره يعني تكثير عليه الصيد ليين يصيير نبهوان شاء الله اذا صار هاوي صيد بيطر الظبي وبينومسك

2/انك تطبعها بطبع كلب يعني تحط كلب معاه بنفس الغرفه او المكان المهم ان يتخاوى مع كلب حاوتطلعه معاه وتركضه معاه سواء ذيخ او ذاريه بعدها تهد لهم جرابيع او ارانب مع بعض ولين يعرف الكلب اللي معاه وبعدددها هدهم من بعيد على ظبي خل احد يهد الظبي من كيلو واقرب بالكلب من بعيد طبعا الكلب الثاني خله بكمام علشان لو ماانتبه مايطرحه على طوول خله يوقفه بالكمام وان شاء الله الطريقه تنفع معاك

نسبة نجاحها تقريبا 70%
نسبة فشلها 30%

واتمنى فدتك بشي

القحطاني505

[( حرف العين )]

يتبع :

عموم الآخوان تسلمون على مروركم وردودكم والله يجزاكم خير .

اخوي القحطاني فعلآ انا مقتنع من الحلول اللي طرحتها وراح اطبقها وانشاءالله راح اعلمك بنتيجتها والله يجزاك الف خير

[راعي ليل]

وعليكم السلام ورحمه الله وبركاته
موضوع تشكر عليه....

1- هل افكه باستمرار مع سلق متعلمه وتقوم بطرح الظبي مع العلم انه في المرات السابقه ماشفت منه اي رده فعل او التفاته منه وانه الغزال الذي يركض امامه وينطرح من قبل السلق اللي معاه عباره عن صيده .
هذه العباره هى الصحيحه.
وتقبل مروري

[سلطان العوني]

اخوي ابو عوف


مشكلتك بإذن الله بسيطه
نقطه ربما تكون هي :
اتوقع ان السلوقي ما جاه تدريب وتشجيع مكثف حاول تكثر عليه طلعات البر ترا كثر الطلعات تزيد من حرارته على الصيد ولا تنسى يح يح اذا حاولت تدخلها براسه تيسرت الامور
.
فيه حل يمكن يصيب

اذا هو جرو حاول تحطه بمكان لحاله مافيه ذيخه وتخليه مع ضواري ترا عزله عن الذيخه يزود الثقه بنفسه ويقوي قلبه بعدين
وراح تشوفه مستقبلاً فيه .
اتمنى وصلتك الفكرة .

وعطنا شيصير معك
وبالتوفيق ان شاء الله

[! بــــدرٍآنٍ !]

وعليكم السلام والرحمة والإكرام ,,,

//
..
..


حي الله أبو عوف والحل بإذن الله تشوف سلقة من السلق اللي هاده على ظبي أول وعاقرة الظبي وتعرف الظبي زين أهم شيء سلقة ماهو ذيخ وتكون سلقة سبوق تخلي هالسلوقي معها ما يفارقها وبنفس المكان وخله يتطبع ويتعلم منها وهو عموماً ماهو كبير ما زال صغير ومناسب للتدريب وهدها هي وياه فقط لا تقول مرة ومرتين ولا ثلاث وخلاص خله لياما يوالف السلقة وإن والفها زين وشافها حارة يبي يتعلم منها الحرارة ويبي يعقر بإذن الله ,,,


//
..
..


تقبل مروري .

[بروق السحاب]

وعليكم السلام ورحمة الله وبركاته

يعطيك العافيه ع الموضوع والاخوان ماقصرو جزاهم الله خير وانشاء الله يتحسن سلوقيك

تقبل مروري

[ساطي العتيبي]

حرف العين كيف الحال الاخوان ماقصرو في الحلول

انا عندي طريقه 100%100 مجربها بنفسي الا وهي انك

تهد السلقان على اي شي ....... ( جربوووع ) ( ارنب )( ظبي )( حصني )

ويكون السلوقي مربوووووط ويطالع في الطرد

مره مرتين ثلاث مرات الين يضبط ان كان فيه شي فهو بيطرد من اول ربطه له

ارجو اني افد تك يالغالي

[ابو تمام]

انا رأيي من رأي اخوي حمود تخليه مع ذيخ متعود على المهدات وتخليه معه إلى يوالفه وتهده معه على الجرابيع وبعدها حاول معه هو الذيخ اللي معه على ظبي هم الثنين بس وان شاءالله تنجح الخطه

دمت بود

[بوراشد3]

يقلون الكلب مزروع في قلبة الارنب كثر علبة صيد الارنب وبعدة فكة على الظبي

[قنااص الحجااز]

حرف العين كيف الحال الاخوان ماقصرو في الحلول

انا عندي طريقه 100%100 مجربها بنفسي الا وهي انك

تهد السلقان على اي شي ....... ( جربوووع ) ( ارنب )( ظبي )( حصني )

ويكون السلوقي مربوووووط ويطالع في الطرد

مره مرتين ثلاث مرات الين يضبط ان كان فيه شي فهو بيطرد من اول ربطه له

ارجو اني افد تك يالغالي

كلاااااااااااااااااااااااام سليم ...........

[عبدالله هدد]

السلام عليكم ورحمة الله وبركاته

اتووقع يااشييخ ,, كثررت الهددات علييه تعوده

واتوقع اذا تطمن ان الظبي مايقوله شي راح يفتن علييه

وكثرت الطق تلين الحديدي

وعلمنا وش يصير معك علشان تعم الفائده

تحياتي

[( حرف العين )]

يتبع :

تسلمون يا اخواني على مروركم وارائكم اللي في محلها وانشاءالله راح اعلمكم اعلومه اول بآول لتعم الفائده على الجميع .

وشكرااا

[احلـى بـنوتهـ]

شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .

[ميمووو]

انشاءالله يفيدونك الأخوان

[عاشق السلق]

[font="courier new"]السلام عليكم ورحمة الله وبركات

تسلم اخوي والله يعطيك العافيه على الموضوع الطيب واشهد ان الاخوان ماقصو كفو ووفو

و

شـكــ وبارك الله فيك ـــرا لك ... لك مني أجمل تحية .

و

تقبل مروري[/fon