هل خلط السلوقي الاريش بالحص ! خطأ ؟ ام صواب ؟

[صياد الوعل]

بسم الله الرحمن الرحيم
موضوع يناقش كثير و تحتلف الآراء من مؤيد الى معارض ... للخلط بين الصنفين في الانتاج ... و قد استوقفني جدول اعد قبل 100 عام تقريبا من مؤلف بريطاني و يستند الى بعض المراجع القديمه .. و التي تصنف خواص الجراوه الناتجه عن الخلط بين الاثنين .. و بما يوحي بأنها ليست خطأ ..

و من خلال التجربه و اعتدنا و الاولين بعدم الخلط .. و قبل عدة سنين بدأت اخلط بين الجنسين ... و وصلت الى قناعه بعدم الخلط .. موضوع محير و يستحق النقاش و الرأي و التجربه ...


[IMG]http://www.ruweis.co.uk/jmran/inheritance_of_smooth.jpg

و لكم تحياتي

[( حرف العين )]

السلام عليكم ورحمة الله وبركاتة

حقيقه يابوعبدالملك انا ماجربت اني انتج من ذيخ املط ( بيور ) مع ضاريه ريشه ( بيور ) لانه في الوقت الحالي شي صعب انه الواحد يملك سلق ماهي مخلوطه من قبل الصنفين لاكن على كلام الاخوان في سوريا والعراق وتركيا بانه انتاجهم دائما يخلطون من قبل الصنفين ويكون الناتج جراء تحمل ايجابيات الصنفين مثال :

الجراء تكسب القوه والصلابه وقوه التحمل من الصنف الاملط .

وتملك السرعة من الصنف الاريش.

اشكالها :

1- تكون ملساء ولاكن ذيلها به تريشه خفيفه او الاذن بها تريشه خفيفه واجسامها تشبه الفصيل الاريش .

2- تكون ريشه ولاكن تاخذ بمواري الاملط من العرض وبروز العضلات وتقاطيع الجسم .

وهاذه الكلام طبعآ على تجربتهم الميدانية وليس كلام ماخوذ من تجربه علميه !!!

[القحطاني505]

هلااا اخوي صياد الوعل نعم انا جربت خلط الاريش بالاملط ولكن الافضل في نظري عدم الخلط لان الخلط يعطي القوتان لكن بعض الاجراء تطلع موطيب امها وابوها يعني لو شبيت ذيخ املط ع ذاريه ريشه ولو اجرو 6 ممكن جروين يطلعون نفس قوة الطرفين والباقي لا مش حالك وفي كم سلوقي بطل انا اعرف لهم اخوان مافلحت وامهم ريشه وابوهم املط..

فاافضل طريقه انك تشبي وتشوف الجرا وش اسبقهم وكم منهم اللي يستاهل تجنيه يعني لو شبيت الفصيلتين شوف هل عدد السلقان القوا اكثر من النص؟؟!!

وممكن ذاريه ريشه ع املط او ذيخ اريش ع ذاريه ملطه تطلع الجرا قويه وكلها اصيله فمن رايي تعتمد ع الذاريه 70%

اماا افي نظري الاملس للاملس والاريش للاريش واذا تم الخلط فالقوي يطرح قوي وطيب لو شبيته من اكثر الريش او شبيته من املس سلوقي بالدنيا تحياتي لك...
\\
//
\\
القحطاني505

[خيال الجدعا]

مرحبا ابوعبد الملك والله انا اشوف ان الاملس مع الاملس والاريش مثل مع الاريش لان راعي (الولع ) يدور الفعل والجمال ومعروف ان السلق اذا صارت متراكبه يجي فيها جمال وتاخذ الوصف من امهاتها وتسحب على جدانها وكل نوع فيه مميزاته على حسب طيب السلاله 0شكرا ياالخوي على الموضوع الطيب والف شكر واتمنا الخير للجميع0

[المحتار]

الاملط مع الاملط افضل من الاختلاط

[عثمان]

والله الافضـل بنظرري

ان الاريش لـ الاريش

والاملط لـ الاملط

ومافي مانع اذا كان

الاريش سلالته طيبه والاملط كذالك
اشبيهم واخلط

وشكراُ لك ياابو عبدالملك

[عوق الخريش]

ارحب ياابوعبدالملك موضوعك جميل جدا ومفيد لنا كاهاوين ومنتجين ..... لآكن ؟

تعود هذه الأشكال الأملط والأريش لمصب واحد أو لطريق واحد بأنها سلق صيد

لأكن أخلطهم أذا كان كلهم طيبين مايمنع والوقت الحالي مافيه ترتيب سلوقي

طيب أشب منه أملط ولأ أريش وكاذلك السلقه وأذا صار طيب وأملط ابرك الساعات

لاكن ألاحظ من خبرتي وتجربتي ان السلوقي ألأريش نادر مايلحق في الرمله

أو النفود نادر جدا ولاكن أذا دخل الجلد يعني أرض جامده يكون فيه عدي زايد

والأملط العكس أو يكون مع الأرضين وهذي تجربه حصلت لي قبل 11 سنه

قنصت بذيخ أصله شمالي من كلاب الشرارات في المنطقه الشماليه عن السعوديه

وقنصت فيه سوريا والأردن والحدود السعوديه العراقيه ألاحظ انه عديه طيب جدا

ويطرح ارنب الشمال لوحده ماعن أسبق أرنب في السعوديه باالشمال ويطرحها مترهي

لاكن قنصة فيه الرمله بعد سنه يطرح ويفرط وشي يروح لاكن عديه تغير في النفود

وشي ملحوظ وبين .

ولاكن الأملط لا يلعبها مع الجهتين نفود جلد شمال جنوب لاحق لاحق معن الأريش

الأغلبيه أكثر حراره من ألأملط . والله أعلم هذا ماعندي من معلومات ومشاركه

تقبل مروري,,,

[صياد الوعل]

اخواني / حرف العين ... القحطاني 505 .... عثمان المطيري .... عوق الخريش ... المحتار ... خيالة الجدعا .... مشكورين على اضافاتكم القيمه

و لو حصل وتوفر ذيخ اريش للريشاء ... و ذيخ املط للملطاء ... و حفظ الصنف الواحد بالجرا و الشبايا اعتقد افضل ... رغم ان ابو مشهور ... مشجع للاملط و يعتقد بقوته على الاريش !!!

[a.a.a]

أريش مع أريش و أملط مع أملط

[الرويلي]

ابو عبدالملك مشكور على السؤال الى يحير جميع الاعضاء انا والله بنسبه لي الاملط هو السلوقي الى مافيه مثله عندي لاكن بنسبه الى سوالك انا اقول



التجربه خير المثال

[صياد الوعل]

أريش مع أريش و أملط مع أملط

اشكر اخي / a.a.a ...
اشكرك اخي الفاضل / الرويلي ..

هل اتفقنا على عدم الخلط ... خاصة اذا توفرت الذيخه من الصنفين ... و مشكورين على التعليق و الاضافه ...

[هاوي سلق]

هلا اخوي ابو عبد الملك ومشكور على طرحك للموضوع المهم الحقيقة
انا اشوف اللي قالوه اخواني حرف العين وعوق الخريش سليم 100 %
لانك لو ترجع الى اصل السلوقي الاملط والاريش تلقاه عربي اصل
وكل له مميزاته
والدليل ان السوريات اللي الناس طايحه فيها تكون مخلوطه بالاريش والاملط
وما اعتقد احد يقول غير كذا
لاهنت

[صياد الوعل]

اخي / هاوي سلق

الف شكر و راي شخص خبير ... و مشكور على الاضافه

[سلطان العوني]

انا من رايي التجربه خير برهان


واحب اتناقش مع اخوي عوق الخريش في الممشى بالنفود


يمكن ان السلوقي ما تعود على النفود قبل المقناص
يعني من المقترح لكل هاوي قبل ما يطلع للمقنا ص وفي اثناء تجهيزه للسلوقي ياخذ السلوقي الى ارض بنفس طبيعة الارض اللي بيقنص فيها عشان السلوقي ياخذ على هذه الارض سواءآ وعر او نفود او سهل


وانا اسف طلعت من صلب الموضوع

[راعي ليل]

موضوع مفيد والاخوان كلهم اطرحوا اراهم0وانا من وجهت نضري الاملط مع الاملط0والاريش مع الاريش



تقبل مروري

[][ رٍأعَـِي قمَـِرٍآن ][]

يعطيك العافيه يابو عبدالملك وموضوع ممتاز ،،، وعن نفسي اقول اذا كان فيه سلاله ملط وسلاله ريش وكلهم أصيلات مافيه مانع اخلط بينهم ،،، وانا عكس أخوي القحطاني يقول اذا خلطت يطلع جراوة طيبه وجرواة ماهي طيبه ،، انا أقول اذا كلهم طيبات الاب والام واصايل أخلط بينهم والجرواة بتطلع أما ساحبه على ألام ولا على الاب وبتعتمد على التدريب أما سالفه جرا ماهي طيبه وجرا طيبه ذي مستحيل ،،، لان شلون بيطلع جرا ماهي طيبه وكل السلالتين اصايل الاريش والملط ،، والاصل بالطيب هو التدريب ،،،
:..:
:..:
:..:
وشكراً لك على مواضعيك المميزة يابو عبدالملك ،،،
:..:
:..:
:..:
تقبل مروري ،،،

[عاشق السلق]

السلام عليكم ورحمة الله وبركاته
يعطيك العافيه ياخوي بوعبدالملك على هاالموضوع الطيب
انا رائي من رائي حرف العين وعوق الخريش

وتقبل مروري