من يقدر يجاوبني

[ابن مسيفر]

السلام عليكم ورحمة الله وبركاته


ياشباب
...
اللحين اذا عطيت السلوقي فالصباح حليب خلفات مع 5 حبات تمر و وسط الحليب
وفالظهر مويه مع خبز ناشف و5 حبات تمر اخلطهم مع بعض
وفالليل حليب ابل ومرات دجاج او لحم ..

يعني السلوقي اكله للحم غير منظم
يعني مرات الاسبوع كله ياكل 3 مرات لحم او دجاج بالليل ومرات 4 مرات فالاسبوع ياكل لحم ومرات مرتين .....ومرات الاسبوع كله ماياكل لحم

واذا مالقى لحم بالليل يشرررب حليب خلفات



يكفي الاكل هذى ولا مايكفي ..و ابي افضل اكل شعبي له ومناسب...
(السلوقي عمره فوق 3 سنوات ونص)

ارجوء الافاده

[ولد لحيان]

حليب خلفات مع 5 حبات تمر و وسط الحليب
وفالظهر مويه مع خبز ناشف و5 حبات تمر اخلطهم مع بعض
وفالليل حليب ابل ومرات دجاج او لحم .
أخوي هاوي الأكل هذا كاااااااااااااااااااااافي حتى لو يكون وجبه وحده يكفي
حليب الخلفات يكفي لوحده
وياليت ماتعطيها تمر لان التمر حار عليها مع القيض التمر ماينعطي لسلق غير في وقت الربيع

[سلاق القصيم]

والله مثل ماقال اخوي ولد لحيان كافي بس التمر بالحر حار على كبده لو تزود عليه بالليل باقي الرز يكون افضل

[الحاكم]

شكلكـ ناوي تسمن السلوقي ..؟!

الأكــل ذا يكفي 3 سلق ..!!

وجبه وحده باليوم كااااافيه و زود

الأكل المتعارف عليه عند أغلب أهل السلق

الرز و اللحم ( بقايا أكل البيت ) و الحليب إن توفر , الخبز الناشف

[فواز]

ماااقصرو الاخوااان افاادوك

[راعي ليل]

وجبه وحده باليوم كافيه

وشكرا على الموضوع

تقبل مروري

[الجنوبي1]

كفوك ووفوك الشباب وبيض الله وجيههم
الحليب كفايه ومع التمر(تمرس التمر مع الحليب الى ان يصبح لون الحليب بلون التمر )
يعتبر مريس كافي وافي (ماهو وافي الي بدل الشعير ^20^)
وعندي ملاحظه من التجربه
ان توفر اللحم او الدجاج قدمه للسلوقي قبل الحليب لتفادي التكريش (لكي لا يربي كرش )
والتمر غالبا يعطى لسلوقي المقناص (الي يقنص ليل نهار ومايضره ) وتجنب الرز بقدر استطاعتك ان كنت تقنص بشكل مستمر وللمحافظه على لياقة السلوقي
ووجبه واحدة تكفي في اليوم
وانت وازن اكل السلوقي بنظرك على قدر حاجته
تقبل مروري وتحياتي

[كساب المراجل]

والله وانا اخوك من يوم عرفت السلق

وانا اعطيها وجبه باليوم ووجبتها تكون بعد صلاة العشاء

ووجبتها دجاج واحيانا لحم بدون رز طبعاّ لان الرز يسبب

كرش للسلوقي زي ماقال ابو دنيا

ولكن بعد الاكل عند مرقده يكون عنده حليب خلفات ولا غنم

وهذا نظامي يومياّ واتمنى انك تخف عليه الاكل يعني باليوم

وجبه وحده كافيه وزود

والتمر عليكم بالتمر تراه ينشط السلوقي مع حليب الخلفات

والله يكتب لنا بما فيه الخير ^8^

[جراح5]

افادوك الاخوان

[ابن مسيفر]

ماقصرتو ياشباب كفيتو و وفيتو

بس انا مبتدئ ولا اعررف الا الشي القليل وحاب استفيد منكم

بعدين السلقه احس انها شوي ضعيفه لان اللي اهداها لي يقول صارلها 8 شهور فالشبك

ولاحظت فيها ان عضلها مهو مشدود وفيها ضعف حال وكملت عندي اللحين اسبوعين وانا اركضها كل يوم وافكها على جرابيع

واللحين فيها تغير فخوذها بدت تنشد على خفيف وانتفخت زياده

بس باقي ظهرها ما امتلى لحم ..... اشوف عظام ظهرها للحين

وانا ابي لي سلقه طيبه للأرنب .. عشان كذا مدري اسمنها ولا اخليها على حالها اللي هي فيه
محتار

وبعدين التمررر بعضكم يقول عطها وبعضكم يقول مهو بزين فالصيف ..... افيدوني لاهنتم

[لاتقارني بغيري...]

وجبه وحده كافيه
حليب خلفات مع خبز كافي

أو عطها لحم

ومقصرووو ربع أفادوووك بعد ان شاءالله

[ابو جراح]

افاادوك الاخوان

[ولد لحيان]

ههههههههههههههههههههههههههه
توهوك الاخوان الله يعينك
بس اسمع كلامي التمر حار ع السلق في وقت القيض يجيب لها حراره داخليه
اما في وقت الربيع فهو من احسن شي مع الحليب
والاختيار لك

[المجروح1]

افادوك الاخوان

[الجنوبي1]

ماقصرتو ياشباب كفيتو و وفيتو

بس انا مبتدئ ولا اعررف الا الشي القليل وحاب استفيد منكم

بعدين السلقه احس انها شوي ضعيفه لان اللي اهداها لي يقول صارلها 8 شهور فالشبك

ولاحظت فيها ان عضلها مهو مشدود وفيها ضعف حال وكملت عندي اللحين اسبوعين وانا اركضها كل يوم وافكها على جرابيع

واللحين فيها تغير فخوذها بدت تنشد على خفيف وانتفخت زياده

بس باقي ظهرها ما امتلى لحم ..... اشوف عظام ظهرها للحين

وانا ابي لي سلقه طيبه للأرنب .. عشان كذا مدري اسمنها ولا اخليها على حالها اللي هي فيه
محتار
السلقه قبل ماتمشيها وتجهزها لابد ان تكون سمينه والظهر ممتليء وعليك بالدجاج واللحم اسبوعين وجبه واحده بحيث ان السلقه تاكل ويزيد الاكل عندها وبعد الاكل عطها الحليب مع التمر, والماء حاضر بشكل مستمر
وبعد ما يمتلىء ظهرها طلع السلقه ومشيها بشكل تدريجي يوم ويومين راحه وبعد اسبوع مشي شد على السلقه حتى يقلب الشحم واللحم عضل وانتبه لا تمشي السلقه بعد الاكل لابد من 4 ساعات على الاقل بين الاكل والتمشيه \
وعط السلقه علاج للوقايه من الديدان الداخليه (من البيطري حبه صفراء اللون وكررها بعد 15 يوم للوقايه من الفقس الجديد )

وبعدين التمررر بعضكم يقول عطها وبعضكم يقول مهو بزين فالصيف ..... افيدوني
لاهنتم
التمر فوائده اكثر من ضرره , اعطي السلقه ولا تزيدها فوق طاقتها (ماهو تعطيها كيلو تمر ;))
السلوقي المربوط يقلل له والمفكوك ما يهمه شي
ارجوا لك الفائده
وتقبل تحياتي ^8^